ရေမွှေးတွေရဲ့အဓိကပါဝင်ပစ္စည်းတွေက ရေမွှေးလုပ်ငန်းသုံး အရက်ပြန် (denatured alcohol) နဲ့ ရေမွှေးအဆီ (perfume concentrate) တို့ဖြစ်ပါတယ်။ ပြီးရင်တစ်ချို့ရေမွေးတွေမှာ အရောင်လှအောင် ဆေးရောင်တွေထည့်ထားတာရှိပါတယ်။ ရေမွှေးအဆီလို့သိကြတဲ့ perfume concentrate မှာ သဘာဝအပင်တွေကရတဲ့ essential oil တွေ၊ aroma chemical လို့ခေါ်တဲ့ရနံ့ဓာတုပစ္စည်းတွေနဲ့ အခြား fixative ဓာတုပစ္စည်းတွေလည်းပါပါတယ်။
ရေမွှေးလုပ်ငန်းသုံး အရက်ပြန်က အဖြူရောင် (အရောင်မရှိ) ပါဘူး။ ဒါပေမဲ့အရက်ပြန်အားလုံးက mild bleach ဖြစ်လို့ အရောင်ကိုကျွတ်စေတဲ့သတ္တိရှိပါတယ်။ perfume concentrate မှာပါတဲ့ ပစ္စည်းတွေမှာလဲ အမြင်မှာအရောင်မရှိဘူးလို့ထင်ရတဲ့ ရေမွှေးတွေမှာတောင် အရောင်နဲ့ဆီ အနည်းနဲ့အများပါပါတယ်။ အရောင်စွန်းနိုင်ပါတယ်။
ဒါကြောင့်ရေမွှေးကိုအဝတ်ပေါ်ဖြန်းမယ်ဆိုရင် အဖြူရောင်တွေနဲ့ အရောင်နု တွေပေါ်ကို တပ်ရိုက်မဖြန်းတာသာ အကောင်းဆုံးပါပဲ။ တစ်ခေါက် နှစ်ခေါက် ပဲဆိုရင် စွန်းချင်မှစွန်းနိုင်ပေမဲ့ ရက်ရှည်စွဲသုံးတဲ့အခါ စွန်းကောင်းစွန်းသွားနိုင်ပါတယ်။ ဘယ်ရေမွှေးကစွန်းတတ်တယ် ဘယ်ရေမွှေးကမစွန်းဘူးဆိုတာ ပြောလို့သိပ်တော့မလွယ်ပါဘူး။ အဝတ်လျှော်တဲ့စက်/လူ ၊ သုံးတဲ့ detergent ၊ အဝတ်အထည်အမျိုးအစားတွေပေါ်မှာလည်းဆိုင်ပါသေးတယ်။
ပြီးရင်ဈေးပေါတဲ့ရေမွှေးတွေက စွန်းတတ်ပြီး ဈေးကြီးတဲ့ရေမွှေးဆိုရင်မစွန်းဘူးဆိုတာလည်း မမှန်ပါဘူး။ ပါဝင်ပစ္စည်းတွေပေါ်မှာပဲ မူတည်ပါတယ်။
ဒါကြောင့်စိတ်အချရဆုံးနည်းဖြစ်တဲ့ အဖြူရောင်နဲ့အရောင်နုတွေပေါ် တိုက်ရိုက်ဖြန်းတာကို ဆင်ခြင်ပါ။ အရောင်ရင့်တဲ့အဝတ်တွေပေါ်မှာသာဖြန်းပါ။ အကွက်ကြီးဖြစ်သွားအောင်အနီးကပ်ကြီးမဖြန်းပါနဲ့ - fine spray ဖြစ်အောင် နဲနဲဝေးဝေးကဖြန်းပါ။ synthetic material တွေဖြစ်တဲ့ faux leather တို့ plastic တို့အပေါ်မထိပါစေနဲ့။
အမြဲအင်္ကျီဖြူဝတ်ရတဲ့ သူများက အင်္ကျီပေါ်ကိုဖြန်းမယ့်အစား ဘောင်းဘီအရောင်ရင့် ဒါမဟုတ်ရင် ပုဆိုး၊ထမိန်တို့အပေါ်ဖြန်းပါ။ လူ့အသားပေါ်ကို တိုက်ရိုက်ဖြန်းပါ။ စွန်းသွားရင်လည်း ချက်ချင်းလျှော်ပါ။ ဒီလောက်ဆိုရင်အဆင်ပြေပါပြီ။
(ကိုယ်တိုင်ရေး content တွေမို့ Facebook ပေါ်မှာ copy and paste လုပ်ခွင့်မပြုပါဘူး။ Share မယ်ဆိုရင် ဒီ link > https://www.yangonbrandedperfume.com/post/how-to-avoid-perfume-stain-on-clothes ကို share နိုင်ပါတယ်)
