🌸 Miss Dior Blooming Bouquet review 🌸
ဒီနေ့တော့ မိန်းကလေးတော်တော်များများရဲ့ dream perfume လို့ ပြောလို့ရတဲ့."ပန်းနုရောင် မင်းသမီးလေး" လို့ တင်စားကြတဲ့ Miss Dior Blooming Bouquet အကြောင်း ပြောပြချင်ပါတယ်။ ဒါက လက်ဆောင်ပေးမယ်ဆိုရင်ပဲဖြစ်ဖြစ်၊ ကိုယ့်ကောင်မလေးအတွက် ရွေးပေးချင်တာပဲဖြစ်ဖြစ် လုံးဝ အမှားမရှိနိုင်တဲ့ ရေမွှေးတစ်ခုပါ။
🌿 အနံ့ပုံစံ (scent profile)
ဒီရေမွှေးက နာမည်နဲ့လိုက်အောင်ကိုပဲ "လတ်ဆတ်တဲ့ ပန်းစည်း" (blooming bouquet) တစ်ခုကို ကိုင်ထားရသလို ခံစားရစေပါတယ်။
🌿 စဖွင့်လိုက်တာနဲ့ လတ်ဆတ်တဲ့ citrus အနံ့ (bergamot/mandarin) လိုမျိုး fresh ဖြစ်တဲ့အနံ့လေး ရမယ်။ စူးရှမနေဘူး၊ အရမ်းလန်းဆန်းတယ်။
🌿 ခဏကြာရင်တော့ သူ့ရဲ့ အဓိကဇာတ်လိုက်ဖြစ်တဲ့ ပီယိုနီ (peony) နဲ့ နှင်းဆီ (rose) အနံ့လေးတွေ ထွက်လာမယ်။ ဒီအနံ့က အရမ်းကို နူးညံ့ပြီး romantic ဆန်ပါတယ်။ အသီးနံ့ (fruity) ဘက်နည်းနည်းပါလို့ ချိုပေမယ့် အီလည်လည်ဖြစ်တဲ့ အချိုမျိုး လုံးဝမဟုတ်ပါဘူး။
🌿 နောက်ဆုံး ကျန်ခဲ့မယ့်အနံ့ကတော့ white musk အနံ့ပါ။ သန့်ရှင်းပြီး စိတ်ငြိမ်စေတဲ့ ပေါင်ဒါအနံ့ သင်းသင်းလေး ကျန်ခဲ့ပါလိမ့်မယ်။
❣️ ခံစားရတဲ့ vibe
ဒါကို ဖြန်းထားရင် "သန့်ရှင်း၊ လတ်ဆတ်၊ နူးညံ့တဲ့ မိန်းကလေး" (clean, fresh, soft & feminine) ပုံစံမျိုး ပေါက်ပါတယ်။ ရင့်ကျက်လွန်းတဲ့ ပုံစံမဟုတ်ဘဲ၊ ငယ်ရွယ်လန်းဆန်းပြီး ချစ်ဖို့ကောင်းတဲ့ တည်ညိမ်တဲ့ မိန်းကလေးတစ်ယောက်ရဲ့ အငွေ့အသက်မျိုးပါ။
❣️ အနံ့ခံနိုင်ရည် (longevity & projection)
ဒါကတော့ ဒီရေမွှေးရဲ့ အားနည်းချက်တစ်ခုလို့ ပြောလို့ရပါတယ်။
သူက eau de toilette (EDT) ဖြစ်တဲ့အပြင် အနံ့က အရမ်းနုတော့ အကြာကြီး မခံပါဘူး။ ပျမ်းမျှ ၃ နာရီကနေ ၅ နာရီလောက်ပဲ ခံပါတယ်။ တစ်နေကုန် အနံ့မွှေးနေချင်ရင်တော့ ဘူးသေးလေးဆောင်ပြီး ထပ်ဖြန်းပေးဖို့ လိုပါလိမ့်မယ်။
Projection ကလဲ လူတစ်ယောက် မီတာဝက်လောက်အကွာကနေပဲ သင်းသင်းလေး ရမယ့်အနံ့မျိုးပါ။ တစ်ခန်းလုံး ထောင်းသွားအောင် မွှေးတာမျိုး မဟုတ်ပါဘူး။ ဒါကြောင့် ရုံးတက်တဲ့သူတွေ၊ ကျောင်းတက်တဲ့သူတွေအတွက် ဘေးလူကို ဒုက္ခမပေးတဲ့ safe scent တစ်ခုပါ။
✅ ဘယ်အချိန်တွေမှာ သုံးသင့်လဲ? 
// နေ့ခင်းဘက်၊ ရာသီဥတုပူတဲ့အချိန်တွေမှာ သုံးဖို့ အကောင်းဆုံးပါ။ မြန်မာပြည် ရာသီဥတုနဲ့လည်း အရမ်းကိုက်ပါတယ်။
// အနံ့က မစူးတာကြောင့် ရုံးသွား၊ ကျောင်းသွားအတွက် perfect ပါ။
// ကိုယ့်ကောင်လေး/crush နဲ့ ဒိတ်လုပ်တဲ့အခါ ယောကျ်ားလေးတွေ တော်တော်များများ သဘောကျတဲ့ အနံ့မျိုးပါ။ (ကျွန်တော် ယောကျ်ားလေးတစ်ယောက်အနေနဲ့ ပြောရရင် ဒီအနံ့က ဆွဲဆောင်မှုရှိပေမယ့် ရိုင်းမနေဘဲ အရမ်းမြတ်နိုးဖို့ကောင်းတဲ့ အနံ့မျိုးပါ)
🎁 ပုလင်းဒီဇိုင်း (packaging)
Dior ရဲ့ signature ဖြစ်တဲ့ ငွေရောင်ဖဲပြားလေးနဲ့ ပန်းနုရောင် အရည်ကြည်ကြည်လေးက ဗီရိုထဲတင်ထားရင်တောင် မျက်စိပသာဒ ဖြစ်စေပါတယ်။ လက်ဆောင်ပေးမယ်ဆိုရင်လည်း ဘူးခွံမြင်တာနဲ့တင် ကြွေသွားနိုင်ပါတယ်။
ကိုယ်က / ကိုယ့်ကောင်မလေးက နူးညံ့တဲ့ ပန်းနံ့ကြိုက်တယ်၊ ရေမွှေးစူးစူးတွေ မကြိုက်ဘူးဆိုရင် ဒါက must buy ပါ။ ဒါပေမဲ့ အနံ့အကြာကြီးခံတာ (long-lasting beast mode) မျိုး လိုချင်တယ်ဆိုရင်တော့ ဒါက အဆင်မပြေလောက်ပါဘူး။
Miss Dior Blooming Bouquet EDT Perfume for Women 100ml - K 639,000 (In stock)
Made in France 
Sealed original retail packaging 
Official website -
https://www.yangonbrandedperfume.com/product-page/miss-dior-blooming-bouquet