Sospiro Vibrato Review - ဈေးကြီးတာနဲ့တန်အောင် မိုက်ရဲ့လား?
​မင်္ဂလာပါ! ဒီနေ့တော့ နည်းနည်း hype ဖြစ်နေတဲ့ niche brand, Sospiro ရဲ့ Vibrato ဆိုတဲ့ ရေမွှေးအကြောင်း ပြောပြပါမယ်ခင်ဗျား။ သူက Bvlgari Tygar နဲ့တူတယ်ဆိုပြီး နာမည်ကြီးနေတာ။ ကဲ ~ တကယ်တူလား၊ ပေးရတဲ့ဈေးနဲ့ရော တန်ရဲ့လား ကြည့်လိုက်ရအောင်။
🌿​ ဖျန်းလိုက်တာနဲ့ ချက်ချင်းရတဲ့အနံ့ Grapefruit အနံ့က ရင်ထဲကို ထိသွားတယ်။ တခြား citrus တွေလို သံပုရာရည်သောက်လိုက်ရသလို ချဉ်စုတ်စုတ် မဟုတ်ဘူး။ Grapefruit အခွံကို ခွဲလိုက်ရင်ရတဲ့ အနံ့မျိုး လတ်လတ်ဆတ်ဆတ်၊ သန့်သန့်ရှင်းရှင်းနဲ့ နည်းနည်းလေး ခါးသလို၊ ချိုသလို။ သူ့နောက်မှာ Bergamot နဲ့ ပန်းနံ့သင်းသင်းလေး (Jasmine နဲ့ Magnolia) က ပါးပါးလေး လိုက်လာတယ်။ ဒီ opening က တော်တော်သိသာတယ်။ လန်းသွားတာပဲ။
​၁၅ မိနစ်၊ မိနစ် ၂၀ လောက်နေရင် ဟိုတောက်တောက် 'လန်း' နေတဲ့ citrus တွေက နည်းနည်း ငြိမ်သွားပြီး သန့်ရှင်းတဲ့၊ spicy ဖြစ်တဲ့ 'ချင်း' (Ginger) နံ့ စပ်စပ်လေး ဝင်လာတယ်။ ​အရေးကြီးဆုံးက "Powdery Notes" ပဲ။ ဒီနေရာမှာ "ပေါင်ဒါနံ့" လို့ပြောလို့ရမလားပဲ။ ကလေးပေါင်ဒါလို မဟုတ်ဘူး။ မျက်နှာလိမ်းတဲ့ Ponds ပေါင်ဒါမွှေးမွှေး သင်းသင်းလေးကို ခြောက်ခြောက်သွေ့သွေ့လေး လိမ်းထားသလို 'သန့်' သွားတဲ့ vibe မျိုး။ ဒီ powdery နဲ့ herbal နံ့လေးတွေကြောင့် ရေမွှေးက ခြောက်ခြောက်သွေ့သွေ့ ဖြစ်ပြီး အရမ်းသန့်သွားတယ်။
​နောက်ဆုံးကျန်ခဲ့တဲ့ အနံ့ က "White Musk" လို့ခေါ်တဲ့ သန့်သန့်ရှင်းရှင်း၊ လူတစ်ယောက်ရဲ့ အသားအရေပေါ်က သဘာဝအနံ့သင်းသင်းလေးလိုမျိုး။ "ရေမွှေးဆွတ်ထားတာလား၊ သဘာဝအသားနံ့က မွှေးနေတာလား" လို့ မေးခွန်းထုတ်ရမယ့် 'skin scent' လှလှလေး။ သူ့ကိုမှ Cedar (သစ်သား) နံ့ ခြောက်ခြောက်လေးနဲ့ Orris Root ရနံ့ဆိမ့်ဆိမ့်လေး က ထောက်ပံ့ထားတယ်။
✅ ​Performance က ဘယ်လိုလဲ? (အရေးကြီးဆုံး!)
​ဒါကတော့ ပေးရတဲ့ဈေးနဲ့ အတန်ဆုံးအပိုင်းပဲ။ 'Long Lasting' ဖြစ်လို့ အင်္ကျီပေါ်မှာဆို နောက်နေ့ ပြန်နမ်းကြည့်ရင်တောင် အနံ့က ရှိတုန်း။
​Sillage (ပြန့်လွင့်မှု) အားကောင်းတယ်။ ကိုယ်ဖြတ်သွားရင် "ဘာမွှေးတာလဲ" ဆိုပြီး လိုက်မေးခံရမယ့် sillage မျိုး။ ဒါကြောင့် အများကြီး ဆွတ်စရာမလိုဘူး။ ၃-၄ ချက် ဆို လုံလောက်ပြီ။
❣️ ​ဘယ်သူတွေနဲ့ လိုက်ဖက်လဲ? ဘယ်အချိန် သုံးရမလဲ?
​ဒါက 'Unisex' (ကျား/မ မရွေး) သုံးလို့ရတယ်။ 'Clean Boy' / 'Clean Girl' vibe ကို ကြိုက်တဲ့သူတိုင်းနဲ့ လိုက်တယ်။
​ရာသီဥတု - မြန်မာပြည်ရဲ့ ပူအိုက်တဲ့ ရာသီဥတုနဲ့ဆို 'Perfect' ပဲ။ ချွေးထွက်လေ ပိုမွှေးလေ။
​အချိန် - နေ့ခင်းဘက်၊ ရုံးသွား၊ ကျောင်းသွား၊ Gym ဆော့၊ casual date အချိန်မရွေး၊ နေရာမရွေး သုံးလို့ရတဲ့ 'versatile' (ဘက်စုံသုံး) ရေမွှေးတစ်လုံးပါ။
🎁 ​Tygar နဲ့ တူလား?
​အဖြေကတော့ "ဟုတ်ကဲ့၊ DNA တော်တော်တူပါတယ်"။ Bvlgari Tygar, Afnan Turathi Blue တို့က ဒီ Grapefruit-Musk-Woody လမ်းကြောင်းပဲ။
ဒါပေမဲ့ Vibrato က Tygar ထက် ပို 'smooth' ဖြစ်တယ်။ ပို 'elegant' ဖြစ်တယ်။ Tygar က Grapefruit နံ့ ပိုစူးတယ်၊ ပို 'sharp' ဖြစ်တယ်။ Performance ပိုင်းမှာ Vibrato က Tygar ကို အပြတ်အသတ် နိုင်သွားတယ်။ Tyger ထက် performance ပိုကောင်းတယ်။
​
✅​ အားသာချက်
// ​အနံ့က အရမ်း လန်းဆန်းတယ်၊ သန့်ရှင်းတယ်၊ 'Classy' ဖြစ်တယ်။
// ​Performance (Longevity & Sillage) က 'Beast Mode' (ရှယ်) ပဲ။
// ​မြန်မာပြည် ရာသီဥတုနဲ့ တစ်သားတည်းကျတယ်။
// တကယ့် ​'Compliment Getter' (လူတွေက မွှေးတယ်လို့ ပြောမယ့်) ရေမွှေးမျိုး။
🌀​ အားနည်းချက်
ဈေးကတော့ niche brand ဆိုတော့ $200-$300 ကြား ရှိတယ်။ အခုလို discount နဲ့ရတာတောင် ကိုးသိန်းကျော်ဆိုတော့ နေ့တိုင်းသုံးဖို့ နဲနဲတော့များတယ် ပြောရမယ်။
❣️ ​ဘယ်သူတွေ ဝယ်သင့်လဲ?
ပိုက်ဆံတတ်နိုင်တယ်၊ Bvlgari Tygar လို ရနံ့မျိုးကိုမှ performance ပိုကောင်းတာ၊ ပို 'smooth' ဖြစ်တာ လိုချင်တယ်၊ 'သန့်တယ်' 'လန်းတယ်' 'ခံတယ်' ဆိုတဲ့ စံနှုန်း ၃ ချက်လုံး ပြည့်မီတဲ့ Citrus/Musk ရေမွှေးကောင်းကောင်း တစ်လုံးလောက်တော့ ထားချင်တယ်ဆိုရင် Sospiro Vibrato ကိုသာ ညွှန်းပါရစေ။ ပေးရတဲ့ဈေးနဲ့ စိတ်ကျေနပ်မှု ပြန်ရစေမယ့် ကောင်လေးပါ။
Sospiro Vibrato Eau de Parfum 100ml - K 929,000 (In stock)
Made in France 
Sealed original retail packaging 
Official website - https://www.yangonbrandedperfume.com/product-page/sospiro-vibrato